Knowing

Nanood kami kanina ng pelikulang Knowing ng aking mga kaibigan. Biglaang desisyon iyon, mas biglaan pa sa pagdesisyon ng mga politiko kung bumalimbing sa mga partido tuwing halalan. Isa na naman iyong pelikula na mystery/thriller ang tema at si Nicolas Cage muli ang bida. Kung nakakapanood kayo ng mga pelikula niya, siya rin yung bida sa The National Treasure na mystery/thriller ang tema. Napaka-mysterious naman! Typecasted na ba si Nicolas Cage? Wala na siyang mga pelikulang pangdrama tulad ng The Weatherman. O baka naman hindi ko lang napanood?

Medyo hindi ako bilib sa pelikula. Napaka-coincidental ng lahat ng mga pangyayari! Mantakin mo, nalaman niya ang purpose nung ano nung napatungan niya ng ano yung ano! At hindi lang iyon! talagang pinagtuunan pa niya ng oras at panahon ang ano na iyon kaysa ayusin ang ano niya sa pamilya niya! Kaya sinearch niya sa internet yung mga ano na ipinapahiwatig nung ano at sa isang kagilagilalas na pagkakataon, naintindihan niya kung paano nagagamit yung ano na iyon. Kaya sinubukan niyang hanapin ang pinanggalingan ng ano.

At tulad ng mga pelikulang humahanap na lang ng lusot para matapos ang kwento, darating ang ano na, habang nagsasayang ka ng panahon sa loob ng sinehan para intindihin ang kwento, hindi mo maiisip na sila pala yung pinanggalingan nung ano!

kung ano man yun ano na iyon, it's for me to know and for you to know for yourself! Haha!

KNOWING!